काठमाडौँ — हिमपातपछि हिमालपारीको जिल्ला मुस्ताङ हिउँले ढाकिएको छ । हिमपातपछि मुस्ताङ र उपल्लो मुस्ताङको जनजीवन प्रभावित बनेको छ । यतिबेला सशस्त्र प्रहरी हिउँ पन्छाउँदै बाटो खोल्न व्यस्त छन् ।

धार्मिक तथा पर्यटकीय गन्तव्य मुक्तिनाथ मन्दिर जाने मुख्यमार्गमा जमेको बाक्लो हिउँ हटाउने काम अहिले प्राथमिकतामा राखिएको सशस्त्र प्रहरीका प्रहरी निरीक्षक विष्णु शर्माले बताए । जोखिमपूर्ण अवस्थामा पनि जवानहरू निरन्तर खटिँदा यात्रु र स्थानीयलाई राहत मिल्ने अपेक्षा गरिएको छ ।

प्रहरी निरीक्षक विष्णु पौडेलका अनुसार मुक्तिनाथ जाने बाटो खुलाउने काम जारी छ । 'यात्रुहरूको सुरक्षालाई ध्यानमा राख्दै हिउँ पन्छाउने काम गरिरहेका छौं,' उनले भने ।