सडक निर्माणको क्रममा राखिएको डिभाइडरमा मोटरसाइकल ठोक्किँदा चालक जीवन क्षेत्रीको मृत्यु
नवलपरासी — पूर्वी नवलपरासीको देवचुलीमा भएको मोटरसाइकल दुर्घटनामा एक युवकको मृत्यु भएको छ भने अर्का एक जना घाइते भएका छन्।
जिल्ला प्रहरीका अनुसार देवचुली नगरपालिकाको केउरेनीमा सडक निर्माणको क्रममा राखिएको डिभाइडरमा मोटरसाइकल ठोक्किँदा चालक जीवन क्षेत्रीको उपचारका क्रममा आइतबार मृत्यु भएको हो।
राजमार्गमा राखिएको उक्त डिभाइडरमा मोटरसाइकल ठोक्किँदा उनी गम्भीर घाइते भएका थिए। मोटरसाइकलको पछाडि बसेका शंकर क्षेत्री घाइते भएका छन् र उनको नयाँ मेडिकल कलेजमा उपचार भइरहेको छ।
