नेटको कामका लागि बिजुलीको पोलमा चढ्न आल्मुनियमको भर्याङ अड्याउने क्रममा बिजुलीको तारमा भर्याङले छुँदा उनी घाइते भएका थिए ।
स्याङ्जा — जिल्लाको पुतलीबजार नगरपालिका-९ कोल्मामा आज दिउँसो करेन्ट लागेर एक युवकको मृत्यु भएको छ ।
बिजुलीको पोलमा चढेर इन्टरनेटको काम गर्ने क्रममा रौतहट गुज्रा नगरपालिका-१ रङ्गपुर घर भई हाल पोखरा फाइबर नेटमा काम गर्दै आएका २५ वर्षीय अरुणकुमार चौधरीको मृत्यु भएको जिल्ला प्रहरी कार्यालय स्याङ्जाका सूचना अधिकारी प्रशन्नराज चौधरीले जानकारी दिए ।
पुतलीबजार-१ ठाडोलाइनमा डेरा गरी बस्दै आएका चौधरीले नेटको कामका लागि बिजुलीको पोलमा चढ्न आल्मुनियमको भर्याङ अड्याउने क्रममा बिजुलीको तारमा भर्याङले छुँदा घाइते भएका थिए । उनको उपचारका क्रममा मृत्यु भएको जनाउँदै घटनाबारे आवश्यक अनुसन्धान थालिएको प्रहरीले जनाएको छ ।
