गैंडाकोट-७ गैरीस्थित नारायणी किनारमा उनको शव भेटिएको प्रहरीले जनाएको छ ।
नवलपरासी — चार दिनअघि नारायणी नदीको पुलबाट हामफालेर बेपत्ता भएका गैंडाकोटका १५ वर्षीय युवकको शनिबार बिहान शव फेला परेको छ ।
गैंडाकोट नगरपालिका-२ कुसुमघाट निवासी आदेश श्रेष्ठ पुलबाट हामफालेर बेपत्ता भएका थिए । श्रेष्ठ कक्षा ९ मा पढ्दै थिए ।
गैडाकोट-७ गैरीस्थित नारायणी किनारमा उनको शव भेटिएको प्रहरीले जनाएको छ । शव भरतपुरस्थित सरकारी अस्पतालमा पोस्टमार्टमका लागि पठाइएको छ । मृतकका बाआमा जापानमा रहेको बुझिएको छ ।
त्यसैगरी शनिबार बिहान विनयी त्रिवेणी गाउँपालिका-७ त्रिवेणी ब्यारेज पुलमा अन्दाजी ३० वर्षीय पुरुषको शव फेला परेको प्रहरीले जनाएको छ । प्रहरीका अनुसार ब्यारेज पुलको ३२ नम्बरको फलामे ढोकामा अड्किएको अवस्थामा शव फेला परेको हो । शवको पहिचान हुन सकेको छैन ।
