नवलपुर — पूर्वी नवलपरासीको कावासोतीमा करेन्ट लागेर एक जना युवकको मृत्यु भएको छ । कावासोती-३ स्थित नमुना सदरमुकाममा निर्माणाधीन सभाहलमा काम गर्ने क्रममा करेन्ट लागेर एक युवकको मृत्यु भएको हो ।
जिल्ला प्रहरी कार्यालयका डीएसपी मधु नेपालका अनुसार बर्दिया ठाकुरबाबा नगरपालिका-२ का ३५ वर्षीइ सरोज थारुको मृत्यु भएको हो ।
करेन्ट लागी घाइते भएका थारुलाई उपचारका लागि मध्यबिन्दु प्रादेशिक अस्पताल डण्डा लगिएकोमा उपचारका क्रममा मृत्यु भएको हो ।
घटनाबारे अनुसन्धान भइरहेको प्रहरीले जनाएको छ ।
