नवलपरासी — दाउन्नेको हिलोमा ग्राभेल राखेर संचालन गरिएको यातायात फेरि बन्द भएको छ । दाउन्नेस्थित विश्वकर्मा मन्दिर नजिक र ६५ मोडमा गाडी फसेर यातायात बन्द भएको हो ।

नवलपरासीका प्रहरी उपरीक्षक यादव ढकालले राजमार्ग खुलेको आधा घण्टामै फेरि गाडी फसेर दाउन्नेमा राजमार्ग बन्द भएको जानकारी दिए । 'दिनभरि डेढ सयभन्दा धेरै प्रहरी खटाएर आफै ग्राभेल हालियो केहीबेर खुल्यो फेरि बन्द भयो,' उनले भने, 'राजमार्ग निर्माण गर्ने काम सडक विभागको हो । सडक विभागले काम नगरेका कारण प्रहरी खटाएर १० टिप ग्राभेल हालेर खुलाइएको राजमार्ग फेरि बन्द भएको छ ।' दाउन्नेको उकालोमा चप्लिएर गाडी जान सक्दैन । सडक कार्यालयले काम गर्दैन । यात्रुहरुको सुविधाका लागि प्रहरी २४ घण्टा खटेको ढकालले सुनाए ।