गोरखा — २०७२ साल वैशाख १२ गते बारपाक केन्द्रबिन्दु भएर गएको भूकम्पमा दिवंगत हुने नागरिकको सम्मान र सम्झनामा शुक्रबार(वैशाख १२ गते) बारपाक सुलिकोट गाउँपालिकाले सार्वजनिक बिदा दिएको छ ।
शुक्रबार गाउँपालिका भित्रका सरकारी कार्यालय, विद्यालय तथा गैरसरकारी कार्यालयलाई सार्वजनिक बिदा दिइएको गाउँपालिकाले जनाएको छ ।
वैशाख १२ गते बारपाक सुलिकोट गाउँपालिका–१ स्थित हिमालय माध्यमिक विद्यालय परिसरमा श्रद्धाञ्जली कार्यक्रम, भूकम्प सम्बन्धी तस्बिर प्रदर्शनी तथा जनचेतनामूलक कार्यक्रमको पनि आयोजना गरिएको छ ।
