गोरखा — मनकामनाबाट फर्कंदै गरेको माइक्रो बस दुर्घटना हुँदा एक जनाको मृत्यु भएको छ भने १४ जना घाइते भएका छन् ।
सोमबार बिहान माइक्रो बस दुर्घटना भएको जिल्ला प्रहरी कार्यालय गोरखाका डीएसपी इन्द्रप्रसाद सुवेदीले बताए । मृतकको पहिचान खुल्नै बाँकी रहेको उनले बताए ।
घाइतेहरुको तनहुँस्थित आँबुखैरेनी अस्पतालमा उपचार भइरहेको छ । माइक्रो बस सडकबाट १५ मिटर तल खसेर दुर्घटना भएको पनि प्रहरीले जनाएको छ ।
घटनाको विस्तृत विवरण आउन बाँकी रहेको प्रहरीले जनाएको छ ।
