कार्यालय र सूर्यरोशनी इन्ड्रस्ट्रियल प्रालिबीच एक वर्षभित्रै काम सम्पन्न गर्ने गरी २०७६ असोजमा सम्झौता भएको थियो । तर झन्डै पाँच वर्षपछि सौर्य ऊर्जा प्रविधि जडानको काम अन्तिम चरणमा पुगेको छ । गण्डकी प्रदेशको घरेलु सौर्य ऊर्जा प्रविधि जडानसम्बन्धी कार्यविधि-२०७५ अनुसार नै स्थानीय पालिकाले छनोट गरिएका घरधुरीमा सोलार जडान भएको उनले बताए ।

सोलार जडानका लागि ७५ प्रतिशत सरकार र २५ प्रतिशत सम्बन्धित घरधुरीले व्यहोर्नुपर्ने प्रावधान छ । ‘केन्द्रीय प्रसारण लाइन नपुगेको, उज्यालोको लागि कुनै विकल्प नभएको घरधुरी छनौट गरी सोलार जडान भएको छ,’ उनले भने ,‘सोलारका लागि आवश्यक ब्याट्रीसहितका सामग्री नै उपलब्ध भएको छ ।’ 

७९ लाख ४७ हजारको बजेटबाट सोलार जडान गरिएको हो । गण्डकी प्रदेशमा विद्युतको पहुँच नभएको घरधुरीका नागरिकलाई वैकल्पिक ऊर्जाको माध्यमबाट विद्युतको पहुँच सुनिश्चित गर्ने उद्देश्यका साथ उत्तरी गोरखाको दुर्गम क्षेत्र छनौट गरी सोलार जडानको काम सुरु गरिएको थियो ।