नवलपरासी — गैंडाकोटमा गएराति भएको मोटरसाइकल दुर्घटनामा परी एक जनाको मृत्यु भएको छ भने अर्का एक जना गम्भीर घाइते भएका छन् ।
इलाका प्रहरी कार्यालय गैँडाकोटका अनुसार कालीगण्डकी कोरीडर हुँदै गैडाकोटस्थित महेन्द्रराजमार्गमा आउँदै गरेका रुपन्देहीका पंकज ज्ञवालीको मृत्यु भएको हो ।
३५ वर्षीय ज्ञवाली रुपन्देहीको भैरहवा निवासी हुन् । ज्ञवाली कृषि अनुसन्धान परिषद (नार्क) का प्राविधिकतर्फका अधिकृत हुन् । उनीसंगै रहेका अर्का सुकबहादुर गुरुङ गम्भीर घाइते भएका छन् ।गुरुङ लमजुङका हुन् ।
उनको चितवनस्थित पुरानो मेडिकल कजेजमा उपचार भइरहेको प्रहरीले जनाएको छ । गएराति साढे ११ बजे उनीहरु चढेको बुलेट मोटरसाइकल दुर्घटनामा परेको थियो ।
