गोरखा — गोरखा नगरपालिका–५ मा आइतबार भएको उपनिर्वाचनमा बाबुराम भट्टराई नेतृत्वको नेपाल समाजवादी पार्टी, राष्ट्रिय स्वतन्त्र पार्टीसहित ६ उम्मेदवारको धरौटी रकम जफत भएको छ ।

गोरखा–५ को वडाध्यक्ष पदमा ९ जनाले उम्मेदवारी दिएका थिए । मुख्य तीन दल कांग्रेस, एमाले र माओवादी केन्द्रबाहेक अन्यको धरौटी रकम जफत भएको हो । जम्मा खसेको १ हजार ३ सय ७३ मतमध्ये १८ मत बदर भएको थियो । त्यसको १० प्रतिशत मत नकटाउने उम्मेदवारको धरौटी रकम जफत भएको हो ।

‘कुल सदर मतको १० प्रतिशत भनेको १ सय ३६ मत ल्याउनुपर्ने थियो,’ निर्वाचन कार्यालयका सूचना अधिकारी रविलाल सुवेदीले भने, ‘१ सय ३६ मत नकटाउनेको धरौटी रकम जफत भएको छ ।’