चालु आर्थिक वर्षको वैशाख मसान्तसम्ममा १ हजार ६ सय ५८ सवारी र्दुघटना भएका छन् । बागमतीको चितवनमा सबैभन्दा धेरै सवारी दुर्घटना हुने गरेको तथ्यांक छ । गत आर्थिक वर्षमा सवारी दुर्घटनाका कारण चितवनका मात्रै १२० जनाले ज्यान गुमाएका छन् । यसवर्ष चितवनमा यो अवधिमा ज्यान गुमाउनेको संख्या ८९ पुगेको छ । दश महिनामा चितनवमा ४ सय ८४ सवारी दुर्घटना भएका छन् । ८७ जना गम्भीर घाइते भएका छन् भने ८ सय ९ जना सामान्य घाइते भएको प्रहरीको तथ्यांक छ ।

दुर्घटनाको कारण ज्यान गुमाउनेको संख्या धेरै चितवन पछि मकवानपुरका छन् । मकवानपुरमा गत आवमा मा ४ सय ७ सवारी दुर्घटनामा परेर ५० जनाले ज्यान गुमाएका थिए । यसवर्ष मकवानपुरमा ५३ जनाको मृत्यु भएको छ । सडकको दुरावस्था,चालकको लापरबाही, सवारी साधनको बढ्दो चाप र बाढीपहिरोसहित जोखिमयुक्त सडक मार्ग भएकाले सवारी दुर्घटना दैनिक रुपमा बढ्दै गएको प्रदेश प्रहरी कार्यालय हेटौडाका प्रमुख एवं प्रहरी नायब महानिरीक्षक दिपक रेग्मीले बताए ।