त्यस्तै, गाउँपालिकाको भौगोलिक अवस्था तथा इन्धन खपत न्यून हुने भएकाले इन्धन बचतका लागि आइतबार बिदा आवश्यक नदेखिएको पनि निर्णयमा उल्लेख छ। स्वास्थ्य सेवा संवेदनशील हुने भएकाले आइतबार बिदा हुँदा दुर्गम क्षेत्रका बिरामी उपचारबाट वञ्चित हुने र आकस्मिक सेवा प्रभावित हुने समस्या समाधान गर्न यो कदम चालिएको गाउँपालिकाले जनाएको छ।

नागरिकलाई छिटोछरितो र प्रभावकारी सेवा प्रदान गर्ने उद्देश्यले आइतबार पनि सेवा सञ्चालन गर्ने निर्णय गरिएको गाउँपालिकाले जनाएको छ ।  अब नयाँ व्यवस्था अनुसार कार्यालयहरू बिहान १० देखि साँझ ५ बजेसम्म, विद्यालयहरू बिहान १० देखि अपराह्न ४ बजेसम्म र शुक्रवार बिहान १० देखि दिउँसो ३ बजेसम्म सञ्चालन हुनेछन्। निर्णयको पूर्ण कार्यान्वयनमा सहयोग गर्न सम्पूर्ण कर्मचारी, शिक्षक, विद्यार्थी तथा अभिभावकलाई गाउँपालिकाले अनुरोधसमेत गरेको छ ।