यस्तै, बलेफी–५ कोठेमा मंगलमाया श्रेष्ठको घरको सटरमा अजय तामाङले ३६ बोरा युरिया मल अवैध रूपमा भण्डारण गरेको अवस्थामा फेला परिएको छ । दुवै स्थानमा भेटिएको मल गणना गरी आवश्यक मुचुल्का तयार पार्ने काम भइरहेको प्रहरीले जनाएको छ। खाडीचौरमा दिउँसो करिब ४:३० बजे र कोठेमा साँझ करिब ५:४० बजे प्रहरीले छापा मारेको थियो। सशस्त्र प्रहरी बल बेस लामोसाँघुबाट सप्रनाउ सियाराम चौधरी र इलाका प्रहरी कार्यालय जलबिरेका प्रहरी निरीक्षक दुपेन्द्र बुढाथोकीको कमाण्डमा संयुक्त टोली खटिएको थियो।

'प्रारम्भिक अनुसन्धानअनुसार अनुदानको मल सहकारीमार्फत मात्र वितरण गर्नुपर्ने प्रावधान हुँदाहुँदै निजी पसलेहरूले अवैध रूपमा भण्डारण गरी महँगो मूल्यमा बिक्री गर्दै आएको आशंका गरिएको छ,' उनले भने । 

बरामद मलको स्रोत, संलग्न व्यक्तिको भूमिका र सम्भावित संजालबारे थप अनुसन्धान भइरहेको प्रहरीले जनाएको छ। कृषि सिजनको मुखमा मल अभाव हुने गरेका बेला यस्तो गतिविधिले किसान प्रत्यक्ष मारमा पर्ने भन्दै स्थानीयले कडा कारबाहीको माग गरेका छन् ।