राजमार्गस्थित भकुण्डे–नेपालथोकमा खण्डमा वर्षातका कारण हुने जोखिमलाई मध्यनजर गर्दै यातायात सञ्चालनमा रोक लगाइएको थियो । मौसममा सुधार आएसँगै यातायात सुचारू गरिएको हो ।
काभ्रे — मौसममा सुधार आएसँगै बीपी राजमार्गमा यातायात सुचारू गरिएको छ ।
केही समयअघि मौसममा सुधार आएपश्चात् सोमबार राती साढे ८ बजेपछि बीपी राजमार्गमा यातायात सुचारू गरिएको जिल्ला प्रहरी कार्यालय काभ्रेका सूचना अधिकारी प्रहरी नायब उपरीक्षक रविन विष्टले जानकारी दिए ।
सोमबार साँझ ७ बजेदेखि राजमार्गस्थित भकुण्डे–नेपालथोकमा खण्डमा वर्षातका कारण हुने जोखिमलाई मध्यनजर गर्दै यातायात सञ्चालनमा रोक लगाइएको थियो । सवारी साधनलाई काभ्रेभन्ज्याङ र नेपालथोकमा होल्ड गरेर राखिएको थियो ।
हाल मौसममा सुधार भएर राजमार्गमा यातायात सुचारु गरिएपछि सावधानी अपनाएर यात्रा गर्न सवारी चालकलाई प्रहरीले विशेष अनुरोध गरेको छ ।
