रामेछाप — प्रतिनिधिसभा सदस्य निर्वाचन अन्तर्गत रामेछापमा दिउँसो ३ बजेसम्म ४० प्रतिशत मतदान भएको छ।

जिल्लामारहेका कुल मतदातामध्ये दिउँसो ३ बजेसम्म ७५ हजार ९५१ मत खसेको जिल्ला निर्वाचन कार्यालयका निर्वाचन अधिकृत नारायण लामिछानेले बताए । उनका अनुसारयो अवधिसम्म पुरुष ४१ हजार ४९० र महिला ३४ हजार ४६१ जनाले मतदान गरका छन् ।

रामेछापमा कुल १ लाख ८७ हजार ९५२ जना मतदाता रहेका छन्। बिहानदेखि नै अधिकांश मतदान केन्द्रमा मतदाताको उपस्थिति कम देखिएको छ ।

प्रतिनिधिसभा निर्वाचन क्षेत्र एक मात्रै रहेको रामेछापमा यो निर्वाचनका लागि ९६ मतदान स्थल र २२८ मतदान केन्द्र रहेका छन् ।

जिल्ला सदरमुकाम मन्थलीको मतदान केन्द्र लगायत ग्रामीण भेगका मतदान केन्द्रहरूमा मतदाताको उपस्थिति न्यून देखिएको छ ।