एक्कासी टुचन मेसिनको ब्रेक फेल भएर तल खस्दा सिन्धुपाल्चोक पाँचपोखरी थाङपाल गापा घर भई हाल द्रुतमार्गमा काम गर्ने २९ वर्षीय अर्जुन थिङको घटनास्थलमै मृत्यु भएको हो ।
हेटौंडा — निर्माणाधीन काठमाडौं तराई–मधेश द्रुतमार्गको भीमफेदी गाउँपालिका८ महादेवटारमा काम गर्ने क्रममा एक मजदुरको घटनास्थलमै मृत्यु भएको छ ।
अर्का एक जना घाइते भएका छन । घाइतेलाई उपचार गर्न काठमाडौं लगिएको छ । मकवानपुर भिमफेदी गाउपालिका८ महादेवटार छोक्रेडाँडास्थित निर्माणधीन काठमाडौं– तराई मधेस दुत मार्ग (फास्ट ट्रयाक) को १ नम्बर पुलको खाडल खन्ने क्रममा काम सकेर खाल्डोबाट टुचनमा बसी आउने क्रममा एक्कासी टुचन मेसिनको ब्रेक फेल भएर तल खस्दा सिन्धुपाल्चोक पाँचपोखरी थाङपाल गापा- घर भई हाल द्रुतमार्गमा काम गर्ने २९ वर्षीय अर्जुन थिङको घटनास्थलमै मृत्यु भएको हो ।
त्यस्तै ३७ वर्षीय जुल्फे तामाङलाई माथिबाट खसेको टुचनले ढाडमा लागी घाइते भएको जिल्ला प्रहरी कार्यालय मकवानपुरका प्रहरी नायब उपरीक्षक एवं प्रवक्ता पुस्कर बोगटीले वताए ।
काम सकेर टुचनमा बसेर आउने क्रममा टुचनको तार चुडिंएर टुचन २१ मिटर तल खसेको थियो। उक्त टुचन पुलको खाल्डो खनेर फर्किएको थियो।
