५० मिटर तल खसेर अड्किएकी उनलाई इलाका प्रहरी भीमफेदीको टोलीले सकुशल उद्धार गरेको हो ।
हेटौंडा — मकवानपुरको भीमफेदी गाउँपालिकामा भीरबाट लडेकी बालिकाको प्रहरीले सकुशल उद्धार गरेको छ ।
भीमफेदी गाउँपालिका–५ ढुसिनीपुल नजिक खहरे खोलाको भीरबाट सोमबार साँझ खसेकी १४ वर्षीया रजना स्याङ्तानको प्रहरीले सकुशल उद्धार गरेको हो ।
जिल्ला प्रहरी मकवानपुरका अनुसार घरबाट छबेली बजार जान एक्लै हिँडेकी उनी घरबाट करिब २ सय मिटर पर पुग्दा भीरबाट खसेर खोल्सामा अड्किएकी थिइन् ।
५० मिटर तल खसेर अड्किएकी उनलाई इलाका प्रहरी भीमफेदीको टोलीले सकुशल उद्धार गरेको हो ।
भीमफेदी स्वास्थ्य चौकीमा प्रारम्भिक परीक्षणपछि थप उपचारका लागि उनलाई हेटौंडा अस्पताल पठाइएको जिल्ला प्रहरी प्रवक्ता डीएसपी पुष्कर बोगटीले बताए ।
