काभ्रे — भौतिक पूर्वाधार तथा यातायात मन्त्री कुलमान घिसिङले बीपी राजमार्ग मर्मत कार्य तीव्र बनाउन निर्देशन दिएका छन् ।

गत साताको बाढीले क्षतिग्रस्त बीपी राजमार्गको स्थलगत निरीक्षणका लागि आज काभ्रेको रोशी पुगेका घिसिङले चाँडोभन्दा चाँडो राजमार्ग सुचारु गर्नेगरी कामलाई तीव्रता दिन सडक विभागका अधिकारीहरूलाई निर्देशन दिएका हुन् ।

मन्त्री घिसिङसँग नमोबुद्ध नगरपालिका, रोशी गाउँपालिका र महाभारत गाउँपालिकाका जनप्रतिनिधिहरूले राजमार्ग सुचारु नहुँदा भोग्नुपरेको समस्याबारे अवगत गराएका थिए ।