सहयोगको बाचा धेरै ठाउँबाट भएको र सुरुवात लायन्स क्लबले गरेको प्रजिअ अर्यालको भनाइ छ । जेन–जी प्रदर्शनको दोस्रो दिन भदौ २४ गते दिउँसो चितवनमा अदालत, मालपोत, नापी, जिल्ला प्रशासन कार्यालय लगायत ८० भन्दा धेरै कार्यालयहरू प्रदर्शनकारीले आगो लगाएर क्षति पुर्‍याएको प्रजिअ अर्यालले जानकारी दिए ।

केही कार्यालयहरूमा बस्ने कुर्ची र चलाउने उपकरणहरू कुनै नबचेको उनको भनाइ छ । ‘सेवा सुरु गर्न  तत्कालका लागि ६०/६५ थान कम्प्युटर र सामान्य खालका भए पनि कुर्सीहरु आवश्यक छ । यी सामग्रीहरू सहयोगीहरूबाट जुट्ने देखिएको छ’ प्रजिअ अर्यालले भने । 

आगलागी र तोडफोडमा क्षतिग्रस्त भएका कार्यालयहरू बनाउने र पुन:निर्माण गर्छौं भन्ने सहयोगी र संघ संस्थाले पनि अभिलासासमेत राखेको अर्यालको भनाइ छ । जसका नाममा प्रदर्शन भयो उनीहरू नै सफा गर्न आउँछु भनेका थिए । तर तपाइँहरूले जे गर्नु भयो भयो अब हामी सफा गर्छौं भनेर आफूहरू कार्यालय सरसफाइमा जुटेको पनि प्रजिअ अर्यालले सुनाए ।