२३ वर्षीय महेश दर्जी भुम्लु गाउँपालिकाको दुलालेश्वर मन्दिर नजिकै भोटेकोशी नदीमा बेपत्ता, प्रहरीद्वारा खोजी जारी।
काभ्रे — भोटेकोशी नदीले बगाउँदा एक जना बेपत्ता भएको जिल्ला प्रहरी कार्यालय काभ्रेले जनाएको छ ।
बिहीबार बिहान ११:१५ बजेको समयमा काभ्रेपलान्चोक जिल्ला स्थित भुम्लु गाउँपालिका-८, दुलालेश्वर मन्दिर नजिकै भोटेकोशी नदीले एक जना पुरुष बेपत्ता भएको जिल्ला प्रहरी कार्यालय काभ्रेका सूचना अधिकारी प्रहरी नायब उपरीक्षक मीन बहादुर घलेले जानकारी दिए ।
उनका अनुसार, बेपत्ता हुनेमा भुम्लु गाउँपालिका वडा न. १ स्थित रिट्ठे बस्ने २३ वर्षीय महेश दर्जी रहेका छन् । उनको खोजी कार्य जारी रहेको जिल्ला प्रहरी कार्यालय काभ्रेले जनाएको छ ।
