सडक माथिबाट पहिरो झरेकाले कान्ति लोकपथ अवरुद्ध भएको हो ।
हेटौंडा — वर्षाका कारण सडक माथिबाट पहिरो झरेकाले कान्ति लोकपथ शुक्रबार अपराह्न ५ बजेदेखि अवरुद्ध भएको छ ।
कान्ति लोकपथ सडक खण्डको भीमफेदी गाउँपालिका–८ भर्याङडाँडामा सडक माथिबाट पहिरो झरेकाले कान्ति लोकपथ अवरुद्ध भएको हो ।
हेटौंडा भएर कान्ति लोकपथ हुँदै काठमाडौंतर्फ गएका सवारी साधनहरु ठिगनमा रोकिएका छन् भने काठमाडौंबाट हेटौंडातर्फ आइरहेका सवारी साधनहरु बगुवामा रोकिएका छन् ।
शुक्रबार अपराह्न ३ बजेदेखि हेटौंडालगायत ठिंगन क्षेत्रमा वर्षा भइरहेको छ । यसैगरी भारी वर्षा भएकाले त्रिभुवन राजपथको हेटौंडा–भैसे सडक खण्डमा पर्ने बाघझोरा ठूलो बाढी आएकाले सवारी साधनहरु आउजाउ गर्न सकेका छैनन् ।
