उद्योगका कर्मचारीका अनुसार करिब २५ लाख रुपैयाँको सामान क्षतिग्रस्त भएपछि हेटौँडा उपमहानगरपालिकाको दमकलले आगो नियन्त्रणमा लिएको थियो।
हेटौँडा — हेटौँडा उपमहानगरपालिका–१६ हटियास्थित शिवम् सिमेन्ट उद्योगको कर्मचारी आवासीय क्षेत्रमा आगलागी हुँदा करिब २५ लाख रुपैयाँ मूल्य बराबरको क्षति भएको छ ।
बिहीबार राति विद्युत् सर्ट भएर आगलागी भएको थियो । आगलागीबाट माइक्रो ओभन १ थान, १.५ टनका एसी ३ थान, फ्रिज १ थान, किचन चिम्नी १ थान, फिल्टर १ थान, सोफा सेट ३ थान, ग्राइन्डर १ थान, ह्विलचेयर १ थान, टेलिभिजन १० थान, स्टिल दराज १ थान, डाइनिङ सेट १ थान, पङ्खा १ थान, ग्यास सिलिन्डर १ थान, फायर सिलिन्डर १५ थान, कार्पेट लगायत स्टोरमा रहेका अन्य सामग्री जलेर नष्ट भएको जिल्ला प्रहरी कार्यालय हेटौँडाले जनाएको छ ।
उद्योगका कर्मचारीका अनुसार आगलागीबाट करिब २५ लाख रुपैयाँ मूल्य बराबरको सामान जलेर नष्ट भएको हो । आगलागीपछि हेटौँडा उपमहानगरपालिकाको दमकल, सिमेन्ट उद्योगका कर्मचारी र प्रहरीले राति नै आगो नियन्त्रणमा लिएका थिए ।
