काभ्रे — बीपी राजमार्गको रोशी गाउँपालिका–९ पिन्थली र मंगलटार बिरुवाडाँडा र ९ र ११ को सिामना कालढुङ्गामा खहरे खोलाको लेदो आएर अवरुद्ध भएको सडक पूर्ण रूपमा दुईतर्फी खुलेको छ ।
आइतबार साँझ करिब ६ : ३० बजेदेखि अवरुद्ध भएको सडकमा आएको लेदो रातभर जेसिबी प्रयोग गरी हटाएर सोमबार बिहान ६ : ०० बजे बाट दुइतर्फी नै यातायात संचालनमा आएको जिल्ला ट्राफिक प्रहरी कार्यालय काभ्रेपलाञ्चोकका प्रमुख सुनिल धाजुले जानकारी दिए ।
बीपी राजमार्गकै पिन्थलीमा यसअघि पनि पटक पटक सडक अवरुद्ध हुँदै आएको छ। गत असार १६ गते, असार २५ र २६ गते पनि पिन्थलीमा सडक अवरुद्ध भएको थियो भने असार २५ गते मंगलटारको बिरुवाडाँडामा सडक अवरुद्ध भएको थियो।
