हेटौंडा — मकवानपुरको इन्द्रसरोवरको सिम्लाङ खोलामा पौडी खेल्ने क्रममा डुबेर किशोरको मृत्यु भएको छ ।
काठमाडौंको माइतीघरका १८ वर्षीय प्रणय गुप्ताको पौडी खेल्ने क्रममा शनिबार मकवानपुरको इन्द्रसरोवर गाउँपालिका–१ स्थित सिम्लाङ खोलामा डुबेर मृत्यु भएको हो ।
साथीहरुसँग मार्खु घुम्न आएका गुप्ता शनिबार दिउँसो साढे ४ बजेको समयमा पौडी खेल्ने क्रममा डुबेर बेपत्ता भएका थिए । प्रहरी टोलीले शनिबार साँझ साढे ६ बजेको समयमा गुप्ताको शव खोलाबाट निकालेको जिल्ला प्रहरी कार्यालय मकवानपुरले जनाएको छ ।
