काभ्रे — काभ्रे जिल्लास्थित बीपी राजमार्ग अर्न्तगत धुलिखेल नगरपालिका वडा नं ११ स्थित पात्लेखेतमा लेदोसहितको पहिरो झर्दा यातायात अवरुद्ध भएको जिल्ला ट्राफिक प्रहरी कार्यालय काभ्रेले जनाएको छ ।
कार्यालयका प्रमुख प्रहरी निरीक्षक सुनिल धाँजुका अनुसार, बुधबार ५ बजेको समयमा बीपी राजमार्ग अर्न्तगत धुलिखेल नगरपालिका वडा नं ११ स्थित पात्लेखेतमा लेदोसहितको पहिरो झर्दा यातायात अवरुद्ध भएको छ ।
अवरुद्ध भएको राजमार्ग खुलाउने प्रयास भइरहेको उनले बताए । उनका अनुसार, ट्राफिक प्रहरी, प्रहरी, सडक विभागको प्रयासमा राजमार्ग खुलाउने कार्य भइरहेको छ । वर्षा भइरहेकाले यात्रा गर्दा सावधानी अपनाउन आग्रह गर्दै ट्राफिक प्रहरीले सूचना जारी समेत गरेको छ ।
