हेटौंडा — मकवानपुरमा शुक्रबार बेलुका हावाहुरीका कारण रुख ढल्दा स्कुल भवनमा क्षति पुगेको छ ।
मकवानपुरको मनहरि गाउँपालिका–४ नयाबस्तीस्थित चेपाङ प्राथमिक विद्यालयको तीनकोठे पक्की भवनमाथि सालको ढलेको थियो । रुख ढल्दा स्कुलको तीन वटै बिम भाँचिदिएको स्कुल व्यवस्थापन समितिका अध्यक्ष विष्णुवहादुर चेपाङले बताए ।
विद्यालयमा चेपाङ,तामाङ र वनकरिया समुदायका १४० जना बालबालिका अध्ययन गर्छन् । तीन कोठा क्षतिग्रस्त भएकाले पढाइ प्रभावित हुने उनले बताए ।
