हेटौंडा — हेटौंडा–काठमाडौं कान्तिलोक पथ सडक खण्ड अन्तर्गत भिमफेदी गाउँपालिकास्थित भर्याङडाँडामा सडक अवरुद्ध भएको छ ।
बिहीबार बिहान ३:३० बजेतिर खसेको सुख्खा पहिरोका कारण सडक पूर्ण रुपमा बन्द भएको प्रहरीले बताएको छ ।
सडक माथिबाट सुख्खा पहिरो खसी बाटो पूर्ण रुपमा अवरुद्ध भएको भएको जिल्ला प्रहरी कार्यालय मकवानपुका प्रहरी नायब उपरिक्षक एवम् प्रवक्ता श्यामु अर्यालले बताए ।
उक्त सडक खण्डको अवरोध पन्छाउन स्थानीय र प्रहरीहरु बिहानैदेखि लागिपरेको र सडक विभागसँग समेत समन्वय भइरहेको प्रवक्ता अर्यालले बताए ।
