हेटौँडा — मकवानपुर प्रहरीले लागुऔषधसहित एक युवकलाई हेटौँडा उपमहानगरपालिका-१० बाट पक्राउ गरेको छ।
ओनेक्स सय एमएलको १३१ बोत्तल लागुऔषधसहित हेटौँडा उपमहानगरपालिका-११ घर भई हेटौँडा उपमहानगरपालिका- १० मा डेरा गरी बस्ने २७ वर्षीय विकास तामाङलाई पक्राउ गरेको थियो।
तामाङको कोठा प्रहरीले खानतलासी गर्दा जेव्रा झोलामा लुकाएर राखेको लागुऔषध प्रहरीले बरामद गरेको हो । पक्राउ परेका तामाङलाई मकवानपुर जिल्ला अदालत हेटौँडाबाट ५ दिन म्याद थप गरी अनुसन्धान गरिरहेको प्रहरीले जनाएको छ ।
