हेटौंडा — त्रिभुवन राजपथको भीमफेदी गाउँपालिका-९ छैसठ्ठी मोडमा गाडी दुर्घटना हुँदा १४ जना घाइते भएका छन् । तीनको अवस्था गम्भीर छ ।
थाहा नगरपालिकाको चित्लाङबाट सर्लाहीको लालबन्दीतर्फ जाँदै गरेको प्रदेश २–०३–००१ ज ०१४७ नं. को विङ्गर भ्यान सडकबाट तल खसेको थियो । २० मिटर तल खसेर गाडी सल्लाको रुखमा अडिएको अवस्थामा रहेको प्रहरीले जनाएको छ ।
घाइते यात्रुलाई भैंसे र पालुङका प्रहरी र स्थानीयवासीले उद्धार गरेर उपचारका निम्ति हेटौंडातर्फ ल्याइरहेका छन् । गाडी बेक्र फेल भएका कारण दुर्घटना भएको प्रहरी टोलीले जनाएको छ ।
