दाेलखा — रामेछापको मन्थली नगरपालिका-११ गजपानीमा शुक्रबार राति आगलागी हुँदा दुई घर जलेर नष्ट भएका छन् ।
विद्युत्को तार सर्ट भइ आगलागी हुँदा दुई जना घाइतेसमेत भएका छन् । फस्टबहादुर श्रेष्ठको घरमा भएको आगलागीबाट निभाउने क्रममा श्रेष्ठ र उनकी श्रीमती सामान्य घाइते भएको प्रहरीले बताएको छ ।
आगलागीबाट फस्टबहादुरका दुवै घर जलेर नष्ट भएका छन् । आगलागीबाट खोरमा रहेका २५ वटा खसीबाख्रा पनि मरेका छन् ।
शनिबार बिहान ३ बजे आगो पूर्ण रुपमा नियन्त्रणमा लिइएको र क्षतिको विवरण संकलन गर्ने काम भइरहेको प्रहरीले जनाएको छ ।
