काठमाडौँ — प्रहरीले ललितपुरको गोदावरी नगरपालिका–८ खहरेस्थित खहरे मासु पसलको पछाडी कोठामा जुवातास खेलिरहेको अवस्थामा १४ जनालाई पक्राउ गरेको छ ।
पक्राउ पर्नेमा पसलका सञ्चालक २४ वर्षीय सुजन सुनुवारसमेत १४ जना रहेका छन् ।
प्रहरी प्रभाग फर्सिडोल र प्रहरी प्रभाग बुङमतीबाट खटिएको टोलीले उनीहरूलाई ६३ हजार रूपैयाँसहित पक्राउ गरेको हो ।
यस सम्बन्धमा प्रहरीले आवश्यक अनुसन्धान गरिरहेको जनाएको छ ।
