यसअघि विभिन्न भेगमा रहेका वनको डढेलो हरित स्वंयसेवकको अग्ररसतामा नियन्त्रणमा ल्याएका थिए । केही समयअघि चौतारा साँगाचोकगढी–५ स्थित भगवती सामुदायिक वनको डढेलो निभाएर आगो लगाउने एक जनालाई हरित स्वंयसेवकले नियन्त्रणमा लिएर वनलाई बुझाएर दण्ड जरिवाना तिराइएको चालिसेले बताए ।

‘हरित वन वातावरण सिन्धुको सान वनडढेलो रोक्न हरित स्वंयसेवकको महाअभियान’ भन्ने नाराका साथ अभियान र सचेतना अभियान विभिन्न स्थानीय तहमा गरिएको छ । जिल्ला प्रहरी सिन्धुपाल्चोकका अनुसार अहिलेसम्म गौरीशंकर संरक्षण केन्द्रमा पर्ने भोटेकोशी, त्रिपुरासुन्दरी गाउँपालिका क्षेत्रसहित जुगल, लिसखु गाउँपालिका गरी एक दर्जन वनक्षेत्रका ८२ हेक्टरभन्दा बढी वन डढेलोले नष्ट भएको छ । आगलागीमा मानवीय क्षति नभएको हाल सबै वनमा आगो नियन्त्रणमा आइसकेको प्रहरीले जनाएको छ ।

सूचना दिनेलाई ५० हजार पुरस्कार

हेलम्बु गाउँपालिकाले डढेलोको समस्यालाई नियन्त्रण गर्ने अभियान अर्न्तगत एउटा पुरस्कारको व्यवस्था र अभियान गरेको छ । हेलम्बु गाउँपालिकाका अध्यक्ष निमाग्याल्जेन शेर्पाका अनुसार डढेलो लगाउने व्यक्ति या समूहको बारेमा सूचना दिनेलाई गाउँपालिकाले ५० हजार पुरस्कार दिने व्यवस्था गरेको हो ।

यसअघि यही पुरस्कारबारे जानकारी दिँदै हेलम्बु सरकारले सूचनानै जारी गरेको थियो । जसमा हेलम्बुबासीसहित सबैमा वनमा डढेलो लगाउने कुनै क्रियाकलाप नगर्न आग्रह गरिँदै वन ऐन २०७६ दफा ५० को उपदफा (४) लगायतका प्रचलित नियमअनुसार कारबाही गरिने उल्लेख गरिएको छ ।