काभ्रे — काभ्रेको बनेपा नगरपालिका-४ स्थित त्रिवेणीचोकमा बुधबार बुबाले चलाएको गाडीको ठक्करबाट छोरीको मृत्यु भएको छ ।
त्रिवेणीचोकमा रहेको शुभकामना सप्लायर्स (गिट्टी, बालुवा) डिपोभित्र बा ४ ख ८५९२ नम्बरको मिनी ट्रक ब्याक गर्ने क्रममा सोही गाडी चालक सिन्धुली गोलान्जोर गाउँपालिका १ घर भई हाल बनेपा-४ बस्ने ३० वर्षीय सरोज बरालकी छोरी अन्दाजी ४ वर्षीय समीक्षा बरालको मृत्यु भएको हो ।
गाडीको ठक्करबाट घाइते भएकी समीक्षालाई उपचारका लागि धुलिखेल अस्पताल पठाएकोमा उपचारको क्रममा मृत्यु भएको इलाका प्रहरी कार्यालय बनेपाका प्रमुख प्रहरी नायब उपरीक्षक ज्ञानबहादुर खड्काले जानकारी दिए । घटनाको अनुसन्धान भइरहेको प्रहरीले जनाएको छ ।
