हेटौंडा — मकवानपुर प्रहरीले खैरो हेरोइनसहित एक युवकलाई पक्राउ गरेको छ ।
हेटौंडा उपमहानगरपालिका–१० स्थित आँखा अस्पताल रोडबाट बकैया गाउँपालिका–११ घर भई हाल हेटौंडा उपहानगरपालिका–१० न्युरेनीमा बस्दै आएका २९ वर्षीय विवेक वाइवालाई ३ ग्राम ९१० मिलिग्राम खैरो हेरोइनसहित पक्राउ गरेको हो ।
प्रहरीले शंका लागि उनको शरीर खानतलासी गर्दा खैरो हेरोइन फेला पारेको थियो ।
विवेक वाइवालाई नियन्त्रणमा लिई मकवानपुर जिल्ला अदालतबाट ७ दिनको म्याद थपको अनुमति लिएर अनुसन्धान गरिरहेको प्रहरी कार्यालय हेटौंडाले जनाएको छ ।
