काठमाडौँ — १३ औँ नेपाल मानव अधिकार अन्तर्राष्ट्रिय चलचित्र महोत्सवमा २६ देशका झन्डै ५० वटा चलचित्र प्रदर्शन गरिने भएको छ ।

नेपाल मानवअधिकार चलचित्र केन्द्रको आयोजनामा मंसिर २५ गतेदेखि ५ दिनसम्मकाठमाडौंमा महोत्सव चल्नेछ । 

महोत्सवलेयस वर्ष 'बाल अधिकार' लाई आफ्नोमुख्य थिम बनाएको केन्द्रका अध्यक्ष पाण्डव खत्रीले जानकारीदिए । नेपाल पर्यटन बोर्ड र चलचित्र विकास बोर्डका हलहरूमा चलचित्र प्रदर्शन गरिने उनले जानकारी दिए । 

महोत्सवमा छानिएका धेरैजसो चलचित्रहरूले कान्स, बर्लिनाले, भेनिस र बुसान जस्ता प्रतिष्ठित अन्तर्राष्ट्रिय महोत्सवहरू सहभागिता जनाइसकेका छन् । कान्स फिल्म फेस्टिभल२०२५ अन्तर्गत पाल्मे डी ओर (लघु चलचित्र) विजेता ‘आई एम ग्ल्याड यु आर डेड नाउ’ महोत्सवको प्रमुख आकर्षण हो ।  

प्यालेस्टाइन, फ्रान्स र ग्रीसको सह-निर्माणमा बनेको यस फिल्मले बाल्यकालीनरहस्य र आघातलाई लिएर  दुई दाजुभाइबीच निम्तिएको गहिरो तनावलाई देखाउँछ । कान्समैप्रिमियर भएको ‘नाभी लिली’महोत्सवको अर्को आकर्षण हो । चीनको युनान प्रान्तस्थित ९ वर्षीया लिलीको साधारण जीवनमा अचानक एउटा घटनाले ल्याएको क्षतिलाई यस देखाउँछ ।

बजिकाभाषामा बनेको पहिलो फिचर फिल्म ‘ आजुर’ पनि यसमहोत्सवमा देखाइनेछ । यसले ग्रामीण बिहारमा सामाजिक अवरोधहरूको विरुद्धमा विद्यालय जान कटिबद्ध  रहेकीसलोनी नामक पात्रमार्फत शिक्षाको महत्वलाई दर्शाउँछ ।

फिचर वृत्तचित्र खण्डमा‘रेड लाइट टु लाइमलाइट’, ‘सट द भ्वाइस अफ फ्रिडम’ लगायत विश्वचर्चितवृत्तचित्र देखाइनेछ ।  ‘रेड लाइट टु लाइमलाइट’ कोलकाताका यौनकर्मीको दैनिकजीवनलाई पर्दामा उतारेको छ । ती यौनकर्मीका छोराछोरीमा सिनेमा निर्माण सम्बन्धीतालिमले ल्याएको आशा र परिवर्तनलाई यसले देखाएको छ । यो फिल्म ४१औँ आईडिए अवार्ड्समा दुई विधामा मनोनित भएको थियो ।