बर्दिया — लागूऔषधसहित दुई जनालाई प्रहरीले पक्राउ गरेको छ । बढैयाताल गाउँपालिका–१ शान्तिपुरबाट प्रहरीले लागूऔषधसहित दुई जनालाई सोमबार साँझ पक्राउ गरेको हो । पक्राउ पर्नेमा बाँके खजुरा गाउँपालिका–१ बेलडाँडाका २८ वर्षीय तुलप्रसाद थापा र ३१ वर्षीय प्रकाश थापा रहेका छन् ।
लागूऔषध कारोबार भइरहेको गोप्य सूचनाको आधारमा प्रहरी टोली खटिएको थियो । दुवै जनालाई नियन्त्रणमा लिई जाँच गर्दा लुकाई राखेको ८० मिलिग्राम लागूऔषध ब्राउन सुगरजस्तो देखिने खैरो रङको धुलो पदार्थ फेला परेको प्रहरीले जनाएको छ ।
दुवै जनालाई अदालतबाट ५ दिनको म्याद लिई इप्रका मैनापोखरमा राखी थप अनुसन्धान भइरहेको जिल्ला प्रहरी कार्यालयका डीएसपी चक्रबहादुर डमरपालले जानकारी दिए ।
