बर्दिया — बबई (भादा) नदीमा नुहाउन गएका युवक बेपत्ता भएका छन् ।
गुलरिया नगरपालिका–६ का २० वर्षीय सिर्जन पोखरेल बुधबार साढे ५ बजे भादा नदीमा बेपत्ता भएका हुन् । गुलरिया नगरपालिका–५ भादा नदी रामबाग भन्ने स्थान नजिक साथीहरुसँग नुहाउन गएको बेला युवक बेपत्ता भएको जिल्ला प्रहरी कार्यालयका प्रहरी निरीक्षक भुपेन्द्र शाहीले बताए ।
‘बेपत्ता युवालाई खोज्न सशस्त्र प्रहरीको गोताखोर टोली परिचालन भईसकेको छ,’ उनले जनाए ।
