धनकुटा — धनकुटामा पाठेघरको मुखको क्यान्सरविरुद्धको एचपीभी खोप कार्यक्रम सञ्चालन हुने भएको छ ।

पूर्ण खोप सुनिश्चितता अभियान अन्तर्गत विद्यालय केन्द्रित कार्यक्रम माघ २७ देखि २९ गतेसम्म सञ्चालन गरिने जिल्ला स्वास्थ्य कार्यालयले जनाएको छ ।

कार्यक्रमबाट जिल्लाका १ हजार २ सय ८६ जना किशोरी लाभान्वित हुने अपेक्षा गरिएको छ । तीमध्ये १ हजार २ सय ५७ जना विद्यालयमा अध्ययनरत विद्यार्थी र २९ जना विद्यालय बाहिरका किशोरी तथा बालिका रहेका छन् ।

जिल्ला स्वास्थ्य प्रमुख सिर्जना बन्जाडेका अनुसार १० देखि १४ वर्ष उमेर समूहका किशोरीलाई खोप लगाइनेछ । कक्षा ६ मा अध्ययनरत सबै छात्रा तथा विद्यालय बाहिर रहेका सोही उमेर समूहका किशोरीलाई पनि खोप दिइने व्यवस्था मिलाइएको छ ।