धनकुटा — सागुरीगढी गाउँपालिका–६ नाम्जे स्थित ग्रामीण जनता माध्यमिक विद्यालयमा दाता सम्मान, छात्रवृत्ति वितरण तथा शिक्षक विदाइ कार्यक्रम सम्पन्न भएको छ।

विद्यालयको शैक्षिक गुणस्तर सुधार र गरिब तथा जेहेन्दार विद्यार्थीलाई सहयोग गर्ने उद्देश्यले आयोजित कार्यक्रममा विभिन्न दाताबाट प्राप्त आर्थिक सहयोगका लागि सम्मान गरिएको हो।

विद्यालय विकास कोषमा मैतबहादुर–कमला मोक्तानले १ लाख ५० हजार १ सय ११, भीम घिमिरेसहितका चार जनाले संयुक्त रूपमा १ लाख ५० हजार तथा बेदबहादुर भुजेल र शिक्षक राजकुमार माङलाकले जनही २० हजार रुपैयाँ सहयोग गरेका छन्।

शम्भु प्रसाद भण्डारी, तुल्सीराम–रमादेवी दिनेश र मैतबहादुर–कमला तामाङ छात्रवृत्ति अक्षयकोषबाट विद्यार्थीलाई छात्रवृत्ति वितरण गरिएको छ। साथै ६ लाख ५० हजारको अक्षयकोषबाट वार्षिक १० जना विद्यार्थीलाई ५० हजार रुपैयाँका दरले सहयोग गर्दै आएको विद्यालयले जनाएको छ।