समानुपातिकको नाममा सन्तुलनको कुरा गर्ने केन्द्रीय नेतृत्वले केवल कमजोरी मात्रै नगरेर आफूहरूमाथि राजनीतिक अन्याय गरेको पनि उनको गुनासो छ । 

पार्टीमा विशेष अधिवेशनको माग गरेकै आधारमा आफूहरूको त्याग र इतिहास बिर्सेर खुला अपमान गरिएको भन्दै आफूहरूले त्यसको ‘हिसाबकिताब गर्ने चेतावनी’ पनि उनले दिएका छन् । 

सभापति राई कांग्रेस महामन्त्री गगनकुमार थापा निकट मानिन्छन् । सभापति राईले कान्तिपुरसँगको कुराकानीमा भने, ‘धनकुटामाथि गरिएको अन्याय फागुन २१ गतेसम्म सच्याउन सकिन्छ, कसरी हुन्छ सच्याउनु पर्छ, हामीले न्याय मागेको हो, अन्यथा होइन ।’ 

धनकुटा कांग्रेसले समानुपातिक तर्फ कमोटकुमार फागो, उदय लिम्बु, करुणा कटुवाल, चन्द्र याखा, टीकादेवी भण्डारी, मीना राई, मीनबहादुर कार्की, सीता प्रधान, रेणु श्रेष्ठ र रामजी कोङरेनको नाम सिफारिस गरेको थियो ।