सुनसरी– जेन–जी आन्दोलनका क्रममा क्षतिग्रस्त सरकारी कार्यालयहरुमा प्रहरीले मुचुल्का तयार नगरीकन नागरिक तहबाट भएको सरसफाइको आलोचना भएपछि इटहरीमा विवाद भएको छ ।

कोशी प्रदेश टाफिक प्रहरी कार्यालय इटहरी सरसफाइ तथा रंगरोगन गर्ने भन्दै बिहान ११ बजे देखि इटहरीका केही स्थानीय तथा संघसंस्थाका प्रतिनिधिले काम सुरु गरेका थिए ।

तर प्रहरीले कार्यालयमा भएको क्षति तथा घटनाको मुचुल्का तयार नगरी घटनास्थलमा प्रवेश गर्न नहुने र प्रमाण नष्ट हुने बताएपछि सरसफाइ कार्यक्रम विवादित बनेको छ ।

अहिले अधिकांश सहभागीहरू प्रहरीबाट यस्तो भनाइ आएपछि सरसफाइबाट पछि हटेका छन् । उक्त सरसफाइको नेतृत्व स्थानीय समीर कार्कीले गरेका थिए ।