बागलुङको गल्कोटदेखि सदरमुकाम आउँदै गरेको लु ३ च ५१५० नम्बरको पिकअप जिप बागलुङ नगरपालिका-३ बडहरेमा बुधबार बिहान दुर्घटना भएको हो ।
बागलुङ — मध्यपहाडी राजमार्गमा बुधबार भएको जिप दुर्घटनामा सात जना घाइते भएका छन् । बागलुङको गल्कोटदेखि सदरमुकाम आउँदै गरेको लु ३ च ५१५० नम्बरको पिकअप जिप बागलुङ नगरपालिका-३ बडहरेमा बुधबार बिहान दुर्घटना भएको हो ।
दुर्घटनामा चालकसहित सात जना घाइते भएको र उनीहरूको धौलागिरी प्रादेशिक अस्पताल बागलुङमा उपचार भइरहेको जिल्ला प्रहरी कार्यालयका प्रहरी नायब उपरीक्षक वसन्त पाण्डेले जानकारी दिए ।
घाइते सबै गल्कोट नगरपालिकाका स्थानीय रहेका छन् । उनीहरुको अवस्था सामान्य रहेको पाण्डेले बताए । जिप अनियन्त्रित भई सडकको नालीमा दुर्घटना भएको प्रहरीले जानकारी दिएको छ ।
