काठमाडौं । सन् २०१६ को सेप्टेम्बरमा रिलायन्स इन्डस्ट्रिजले भारतमा रिलायनस जियो मोबाइल सेवा सुरु गर्यो ।

भारतको जस्तो ठूलो र प्रतिस्पर्धी बजारमा नयाँ कम्पनी टिक्न निकै गाह्रो थियो । तर जियोले भारतमा उपभोक्तालाई यसरी फाइदा ल्याइदियो जसबाट नयाँ ग्राहक तान्न सजिलो मात्र भएन साना मोबाइल सेवा प्रदायकहरू बन्द नै भए ।

निःशुल्क परीक्षण सेवा सहित आक्रमक बजार बिस्तार गरेको जियोले छ महिनामा एक करोड ग्राहक बनाउन सफल भयो। पाँच वर्षमा ४२ करोड ६२ लाख ग्राहक बनाई सकेको छ ।

छोटो समयमा यति ठूलो सफलता पाउनुको पछाडिको कारण थियो तीव्र गतिको अति सस्तो मोबाइल डेटा र निःशुल्क कल सेवा । यीनै कारणले आज भारतको सबैभन्दा ठूलो कम्पनी बनेर तहल्का मच्चाइरहेको छ ।

नेपालको बैंकिङ्ग क्षेत्रमा एन आई सी एशिया बैंकले ल्याएको आक्रमक ग्राहक योजनाले भारतको जिओ मोबाइलको छनक दिन्छ । उसले यसअघि ल्याएको चमत्कारी बचत योजना होस् या अहिले सञ्चालनमा रहेको सर्वश्रेष्ठ बचत योजना । जुन योजनाबाट ग्राहकले विभिन्न सेवाहरू पाँच वर्ष सम्म निःशुल्क, रू.२१ लाखको बीमाको फाइदा, सहुलियत कर्जा लगायतका २४ अतुलनीय फाइदा पाउन सक्छन् ।

ग्राहकहरूलाई बैंकिङ्ग क्षेत्रकै सर्वश्रेष्ठ फाइदाहरू उपलब्ध गराएकै कारण आज एनआई सी एशिया बैंक मुलुककै सबैभन्दा ठूलो बैंक र निजी क्षेत्रको बैंकहरूमा सबैभन्दा बढी ग्राहक संख्या बनाउन सफल बनेको छ । चालु आर्थिक वर्षको पहिलो त्रैमासिक वित्तीय विवरण अनुसार विभिन्न १० सूचकमा एन आई सी एशिया बैंक पहिलो नम्बरमा पर्न सफल भएको छ । १० सूचकमा एन आई सी एशिया बैंक पहिलो नम्बरमा पर्न सफल भएको छ ।

यीनै सूचक सहित मुलुकको पहिलो नम्बरको स्थानमा बैंक दौडिरहेको छ । जसलाई हाकिरहेका छन्, दुरदशी प्रमुख कार्यकारी अधिकृत (सीईओ) भनेर परिचित रोशन कुमार न्यौपानेले । बैंकले सर्वश्रेष्ठ बचत खाता योजनामा जिओकै शैलीमा खाता वालालाई २४ वटा फाइदा उपलब्ध गराएको छ । सर्वश्रेष्ठ खातामा बीमा सम्बन्धी तीन, कर्जा सम्बन्धी तीन र अन्य १८ वटा फाइदाहरू रहेका छन् ।

सर्वश्रेष्ठ बचत खाता खोल्ने ग्राहकलाई उसले पाँच वर्ष सम्म विभिन्न सेवाहरू निःशुल्क उपलब्ध गराउंदै आएको छ । ‘अहिले एन आई सी एशिया बैंक भारतको जीओको जस्तो रणनीतिमा गइरहेको छ,’ प्रमुख कार्यकारी अधिकृत न्यौपानेले भने । सर्वश्रेष्ठ बचत खातामा पाइने बीमा र कर्जाको फाइदा अन्य बचत खातामा प्रदान गरेको भन्दा निकै नै धेरै र अतुलनीय छ ।

यी हुन पाँच वर्षसम्म निःशुल्क पाउने सेवाहरू

सर्वश्रेष्ठ बचत खातामा बैंकले विभिन्न सेवाहरूलाई पाँच वष सम्म निशुल्क दिने घोषणा गरेको छ । उसले डेबिट कार्ड, मोबाइल बैंकिङ्ग तथा इन्टरनेट बैंकिङ्गमा यस्तो सेवा दिएको हो ।

सर्वश्रेष्ठ बचत खाता खोल्ने ग्राहकले डेबिट कार्ड पाँच वर्ष सम्म निशुल्क प्रयोग गर्न पाउँछन् । त्यस्तै सूचना प्रविधिको प्रयोग बढेसँगै मोबाइल बैंकिङ्ग र इन्टरनेट बैंकिङ्गको प्रयोग बढ्दो छ ।मोबाइलबाट धेरै सेवादिन सकिने भएपछि बैंकहरूले पनि मोबाइल बैंकिङ्गलाई प्राथमिकतमा राखेका छन् ।

यस बैंकको सर्वश्रेष्ठ खाता अन्तर्गत एम्बासडर श्रेणीमा ग्राहकहरूले मोबाइल बैंकिङ्ग र इन्टरनेट बैंकिङ्ग सेवाको लागि पाँचवर्ष सम्म कुनै पनि शुल्क तिर्नुपर्दैन ।

एनआई सीले भने एम्बेसडर खाता खोल्ने बित्तिकै पाँच वर्षको लागि यी सुविधाहरू निःशुल्क प्रयोग गर्न सकिने सुविधा ल्याएको छ । त्यस्तै, आरटीजीएस लगायत भुक्तानीमा पनि शुल्क लाग्दैन ।

एनआई सीले भने एम्बेसडर खाता खोल्ने बित्तिकै पाँच वर्षको लागि यी सुविधाहरू निःशुल्क प्रयोग गर्न सकिने सुविधा ल्याएको छ । त्यस्तै, आरटीजीएस लगायत भुक्तानीमा पनि शुल्क लाग्दैन । क्रेडिट कार्ड आवेदन र जारी शुल्क, सप्लिमेन्टरी कार्ड, प्रिपेड डलर कार्ड, इकमर्श सुचारु गर्न कुनै पनि शुल्क लाग्दैन ।

एन आई सी एशिया बैंकले भनेआरटीजीएस, आईपीएस, सीआईपीएसको हरेक पटकको कारोबार निःशुल्क उपलब्ध गराएको छ । साथै, चेक क्लियरिङ शुल्क समेत निःशुल्क गरेको छ । डिम्याट र मेरो शेयर प्रयोगमा भने शुल्क नलाग्ने व्यवस्था गरेको छ ।

यसको अर्को निःशुल्क सुविधा भनेको मुलुक भरका कुनै पनि बैंकको एटीएमबाट पैसा झिक्दा शुल्क लाग्दैन । एनआईसी एशियाका ४७३ एटीएम शाखा र मुलुक भरका सबै बैंकका ४ हजार भन्दा धेरै एटीएम बाट पनि निःशुल्क रुपमा पैसा झिक्न सकिन्छ । ग्राहकले आफ्नो खाता भएको बैंककै एटिएम खोज्दै जान पर्ने झनझटबाट समेत मुक्ति पाईनेछ ।

त्यस्तै लकरको प्रयोग गर्ने ग्राहकले लकर शुल्क तथा मार्जिनमा १०० प्रतिशत छुट दिइएको छ । एनआई सी एशिया बैंकको लकर शुल्कमा मात्रै शतप्रतिशत छुट होइन लकर मार्जिनमा समेत शतप्रतिशत छुट रहेको छ ।

शेयर बजारलाई ध्यानमा राखेर एनआई सी क्यापिटलबाट पोर्टफोलियो म्यानेजमेन्टको लागि पहिलो वर्ष ५० प्रतिशत छुट उपलब्ध गराएको छ ।

त्यस्तै, विदेशीमुद्रा सटहीको दस्तुरमा २५ पैसाशुल्कछुट प्रदान गरिएको छ ।

२१ लाखसम्मको बीमा सुविधा,अहिलेसम्म ६५५ ले पाए बिमा रकम

एन आई सी एशिया बैंकको सर्वश्रेष्ठ बचत खाताको अर्को आकर्षक सुविधा हो बीमा । यस बैंकले बचत खातामा दिएको बीमा अन्य बैंकको तुलनामा उत्कृष्ट छ ।

विभिन्न शीर्षकमा बैंकल २१ लख सम्मको बीमा उपलब्ध गराएको छ । जस्तो कि खातावालाको दुर्घटनाबाट मृत्यु भएमा वा पूर्णरुपमा असक्त भएमा १० लाखसम्मको बीमा सुविधा छ । त्यस्तै १८ वटा घातक रोगहरूका लागि १० लाख सम्मको बीमा सुविधा र १ लाख सम्मको औषधि उपचार बीमा सुविधा पाउँछन् । सर्वश्रेष्ठ बचत योजनामा अस्पताल भर्ना भएमा ८० हजार रुपैयाँ र ओपीडीको लागि भनेर २० हजार रुपायाँको उपचार खर्च दिएको छ ।

एन आइसी एशिया बैंक को बचत खातामा बीमाबाट धेरै जना लाभान्वित पनि भइसकेका छन् । त्यस्तो बीमा पाउने ग्राहकको संख्या ६५५ पुगिसकेको छ । उनीहरूले अहिलेसम्म ३ करोड ९५ लाख रुपैयाँ बीमा वापतद बुझिसकेका छन् ।

बैंकिङ्ग क्षेत्रमै नौलो पूर्व स्वीकृत कर्जा

सर्वश्रेष्ठ बचत खातामा ग्राहकले पूर्वस्वीकृत कर्जाको फाइदा पाउँदछन् । यस खाताबाट कर्जा लिँदा ग्राहकले ब्याजदर र प्रशासनिक शुल्कमा विशेष सहुलियतको फाइदा पाउँछन् ।

पूर्व स्वीकृतिकर्जा भनेको कुनै ग्राहकको गुडविल एम्बेस्डर खाता खोले वापत तीन महिनाको औषत मौज्दातको दश गुणा बढी ऋण पाउने सुविधा हो । जस्तो कि कुनै ग्राहकको तीन महिनाको १० लाखको औषत व्यालेन्स रहेछ भने उसले पूर्व स्वीकृति कर्जा अनुसार १ करोडसम्मको कर्जा बेसरेटमा थप १ प्रतिशत प्रिमियम र ०.२५ प्रतिशत प्रशासनिक शुल्कमा कर्जा प्राप्त गर्दछ । यस्तो कर्जा प्रदानगर्दा बैंकको आन्तरिक नीतिनियम तथा राष्ट्र बैंकको मापदण्डको अधिनमा रहीकर्जा स्वीकृत हुनेछ ।

स्विप–इन/स्विप–आउट सुविधा

सर्वश्रेष्ठ बचत खातामा स्विप–इन/स्विप–आउटको सुविधा उपलब्ध छ । स्विप–इन/स्विप–आउट भनेको फिक्स्ड (एफडी) र सेभिङ खाता मर्ज गरेर ल्याएको सेवा हो । दुबैको फाइदा एकै खाताबाट सहज रुपमा प्राप्त गर्न सकिने सुविधा हो ।

यदि सेभिङ खातामा तोकिएको व्यालेन्स भन्दा धेरै रकम छ भने फिक्स्डडिपोजिट सरह ब्याज सुविधा पाउन सकिन्छ । मानौं सेभिङ अकाउन्टमा अहिले ब्याजदर ७.०५ प्रतिशत छ र फिक्स्ड (एफडी)मा राखियो भने ग्राहकले १०.०५ प्रतिशत ब्याज पाउँछन् ।

यदि सर्वश्रेष्ठ बचत खातामा कुनै ग्राहकको रकम रू. २ लाख भन्दा माथि लाग्यो भने सो बढी भएको रकम रू. १०,००० को गुणाले भाग जाने हिसाबले स्वत ९० दिनको फिस्क्ड डिपोजिट हुन जान्छ र फिक्स डिपोजिटकै ब्याज आर्जन गर्ने गर्दछ । यसको अर्थ के हो भने बचत खातामा दुई लाख भन्दा बढी हुँदा बित्तिकै बढी भएको रकम फिक्स्ड खाता गएर बस्छ र त्यसै फिक्स्डको ब्याजदर पाउँछ ।

फिक्स्डमा गएर बसेको भए पनि ग्राहकलाई बीचैमा पैसा चाहियो भने पनि सहज रुपमा रकमझिक्न सकिन्छ । ‘प्रि म्याचुअर’को शुल्क लाग्दैन ।

एन आई सी एशिया बैंकले आफ्नो २४ औं वार्षिकोत्सवको अवसरमा ल्याएको ‘सर्वश्रेष्ठ बचत तथा मुद्दती खाता’ मा २४ सर्वश्रेष्ठ फाइदाहरू