Just like the diversity of the city, people's income also varies. Some have 6 digits, some have 4 digits. Although income varies according to profession, business, and background, there are different experiences of deprivation along with diversity of expenses. We have prepared this report by talking to 15 people working in various professions in Kathmandu city about their income and spending patterns.
४३ वर्ष
पसलमा हामी श्रीमान्,श्रीमती नै १५-१६ घण्टा खटिन्छौँ । कमाइ त छ, तर खर्च पनि उस्तै छ । घर भाडामै ४० हजार जान्छ । कामदारको तलबमा ४० हजार जान्छ । स्वास्थ्य उपचारमा १२ हजार खर्च हुन्छ । शिक्षामा १० हजार र घुमघाममा १० हजार मासिक खर्च हुन्छ । लत्ताकपडामा मासिक ८ हजार खर्च हुन्छ ।
५५ वर्ष
६ जनाको परिवार छ । घरमा कमाउने म र श्रीमती मात्रै हौँ । मैले कमाएको ७०-८० प्रतिशत खर्च हुन्छ । लत्ताकपडामै मासिक ७० हजारसम्म खर्च हुन्छ । यति नै खर्च घर किन्दाकै ऋण तिर्दा हुन्छ । दुई सन्तानको पढाइमा ६५ हजार खर्च हुन्छ । गाडी मर्मत र तेलमा भने ५० हजार खर्च हुन्छ ।
४९ वर्ष
२० वर्ष एनजीओ/आईएनजीओमा काम गरेँ । ३ वर्षदेखि कन्सल्ट्यान्ट छु । ८ लाख जति ऋण छ । बिस्तारै तिर्दै छु । कमाइमध्ये सबैभन्दा धेरै खर्च खाना/खाजामा मासिक २० हजार हुन्छ । बच्चाको पढाइमा मासिक १० हजार, पेट्रोल र मोबाइलमा ५ हजार खर्च हुन्छ । घुमघाममा पनि ५ हजार खर्च हुन्छ । श्रीमती पनि जागिरे भएकाले धेरथोर बचत पनि हुन्छ ।
३७ वर्ष
सुरुमा जागिर खाँदा मेरो मासिक कमाइ १ लाख २० हजार थियो । अहिले दोब्बर बढेको छ । तर, खर्च पनि उस्तै छ । सबैभन्दा धेरै खर्च त डेरा भाडा र भान्सामा खर्च हुन्छ । यसमा ६० हजार जति खर्च हुन्छ । एक सन्तानको मासिक पढाइ शुल्क मात्रै २५ हजार हुन्छ । बुबाआमासहितको स्वास्थ्य उपचारमा मासिक २५ हजारसम्म खर्च हुन्छ । धन्न बुबाआमाले पसलबाट पनि कमाउनुहुन्छ र !
२८ वर्ष
२३ हजारबाट जागिर सुरु गरेको अहिले ३५ हजार कमाउन सक्ने भएको छु । तर पनि कमाइभन्दा धेरै खर्च छ । परिवारमा श्रीमती, म र बच्चा मात्रै छौँ । कमाउने म एक्लै हो । डेरा भाडामा मासिक १० हजार खर्च हुन्छ । बच्चाको खर्च ५-६ हजारसम्म हुन्छ । लत्ताकपडामा पनि १२-१५ हजार खर्च हुन्छ ।
३५ वर्ष
घरमा म र श्रीमती दुवै कमाउँछौँ । श्रीमतीले मासिक ६५ हजार कमाउँछिन् । हाम्रो धेरै खर्च भान्सा र खाजा/नास्तामा जान्छ । यसमा त्यस्तै ३० हजार खर्च हुन्छ । मासिक १० हजार गाउँमा बस्ने बुबाआमालाई पठाउँछौँ । १५ हजार घर भाडामा खर्च हुन्छ । चलेकै छ ।
परिवारमा २ बच्चासहित ४ जना छौँ । खाद्यान्नमै मासिक १५-२० हजार खर्च हुन्छ । डेरा भाडा ८ हजार छ । बच्चाहरूको स्कुल फि नै २१ हजार छ । अनि बच्चाहरूको अरू खर्च ५-६ हजार हुन्छ नै । घुमघाम गर्ने त समय नै हुन्न र यो शीर्षकमा खर्च पनि छैन ।
४५ वर्ष
हाम्रो घरमा सबैभन्दा ठूलो खर्च खाजा/भान्सा र छोराछोरीको पढाइमा हुन्छ । खाना/खाजामा ५० हजार र २ छोरीको पढाइमा ३५ हजार खर्च हुन्छ । घर भाडामा १६ हजार खर्च हुन्छ । १५ हजार त स्वास्थ्य उपचारमै जान्छ । श्रीमती प्राथमिक तहकी शिक्षिका हुन् । उनले मासिक ३५ हजार कमाउँछिन् । त्यही कमाइ बचत हुन्छ ।
३१ वर्ष
१५ वर्षदेखि कोटेश्वरमा बाइक वर्कसप चलाउँदै आएको छु । सुरुमा मेरो कमाइ मासिक ४ हजार मात्रै थियो । अहिले कमाइ बढेको छ, तर खर्च पनि उस्तै छ । मेरो सबैभन्दा ठूलो खर्च घरमै हुन्छ । मासिक २५ हजार जति । श्रीमती पढ्दै छिन् । उनको पढाइमा मासिक १० हजार खर्च हुन्छ । घुमघाममा ३ हजार र स्वास्थ्योपचारमा ३ हजार खर्च हुन्छ । ६ महिनाको बच्चा हुर्काउने खर्च बेग्लै छ । श्रीमतीले कमाउने भएपछि थप सजिलो होला कि !
२५ वर्ष
कमाइको कुनै टुंगो छैन । युट्युबबाट मासिक ५० डलर आम्दानी हुन्छ । मैले सुरुमा एउटै कार्यक्रमबाट ५० हजार कमाएको थिएँ । त्यो समूहका अरू संगीतकर्मीलाई पनि बाँड्नै पर्यो । मासिक ३५-४० हजार खर्च छ । धेरै खर्च खाना, यात्रा र मेकअपमा हुन्छ । बचत त छँदै छैन ।
३५ वर्ष
मेरो ४ जनाको परिवार छ । म अरूको घरमा सहयोगीको काम गर्छु । घरमा कमाउने म मात्रै हुँ । श्रीमान् विदेशमा हुनुहुन्थ्यो । स्वास्थ्य समस्या भएपछि फर्केर आउनुभयो । मैले कमाएको सबै पैसा खर्च हुन्छ । छोराछोरी दुवै बोर्डिङ स्कुलमा पढ्दै छन् । छोरीको पढाइ राम्रो भएकाले उसको स्कुल फी तिर्नुपर्दैन । यही कुराले केही राहत मिलेको छ । रासन खर्च, छोराछोरीको स्कुल र खाजाखर्चमै सबै कमाइ सकिन्छ । म दुईवटा घरमा काम गर्छु । एउटा घरमा १० हजार र अर्को घरमा १५ हजार रुपैयाँ पाउँछु । यति कमाइले के बचत हुनु ! तैपनि सहकारीमा महिनाको १५ सय रुपैयाँ बचत गर्छु ।
१८ वर्ष
हरेक महिना म १२ हजार घर पठाउँछु । ५ हजार भने आफ्नो खर्चका लागि राख्छु । आमाले मेरो नाममा बचत खाता खोलिदिनुभएको छ । त्यहाँ मासिक ५ हजार बचत गरिदिनुहुन्छ । घरमा म र बुबा दुवै कमाउँछौँ । घरमा २ दिदी र आमा पनि हुनुहुन्छ ।
३९ वर्ष
मेरो परिवारमा ५ जना छौँ । छोरी पढ्दै छिन् । छोरा म जस्तै काम गर्छ । श्रीमतीले पनि काम पाएको बेला काम गर्नुहुन्छ । बुहारी पनि पढ्छिन् । उनीहरूलाई कलेज आउजाउ गर्दा लाग्ने पैसा हरेक दिन दिनुपर्छ । छोरी र बुहारीको पढाइमा १०–१५ हजार रुपैयाँ खर्च हुन्छ । कोठाभाडामा ७ हजार रुपैयाँ जान्छ । पैसा भएको बेला मासु खान पाइन्छ । ग्यास, तेल र अन्य भान्साखर्चमा करिब २० हजार रुपैयाँ खर्च हुन्छ । माघी, तिहारजस्ता पर्वमा पैसा नपुगेर ऋण गर्नुपर्छ । श्रीमती र छोराको पनि कमाइ भएको बेला सबै जोड्दा ५० हजार रुपैयाँजति पुग्छ । तर सधैँ यस्तो हुँदैन ।
सबैभन्दा ठूलो खर्च घर भाडामा छ । त्यसमा २० हजार खर्च हुन्छ । बच्चाबच्चीको शिक्षामा २० हजार खर्च हुन्छ । यातायात खानामा भने १० हजारले पुग्छ । बचत भनेको त्यस्तै कुरा हो ।
४५ वर्ष
मेरो परिवारका सबैजना गाउँमा बस्नुहुन्छ । हरेक महिना म ८–१० हजार रुपैयाँजति घरखर्च पठाउँछु । कमाइ नभएको बेला भने साथीहरूसँग सापटी मागेर पठाउँछु । म साथीहरूसँग मिलेर डेरामा बस्छु । घरमा पैसा पठाएपछि बाँकी रकम खानबस्नमै सकिन्छ । अहिले झन् महँगीले खर्च धान्न गाह्रो भएको छ ।
