बाढीले नाग्म-गमगढी सडक अवरुद्ध

श्रावण ४, २०७९डीबी बुढा

मुगु — अविरल वर्षापछि आएको बाढीले नाग्म-गमगढी सडक अवरुद्ध भएको छ । अविरल वर्षासँगै आएको बाढीले सिंजा गाउँपालिका –२ विष्टवाडास्थित खोलामा सडक अवरुद्ध भएको हो ।

सिंजा-२ का वडाध्यक्ष तीर्थ वडले विष्टवाडा खोलामा ठूलो बाढी आएको बताए । खोलामा सवारी साधान आवतजावत गर्न सक्ने अवस्था छैन । उनले भने,´सवारी साधन खोला वारि र पारि रोकिएका छन् । यात्रु अलपत्र परेका छन् । वर्षा नरोकिएकाले तत्काल सडक खुल्ने सम्भावना छैन ।' बाढीले मार्सीधानका खेतसमेत पुरिएका छन् ।