पक्की पुल बगाएपछि...

बाढीले पुल भत्काएपछि सदरमुकामसँग जोडिने बुद्धसिंह मोटरमार्ग, केशवटार मोटरमार्ग र यसअन्तर्गतका भित्री ग्रामीण सडक पूर्ण रूपमा बन्द भएका छन् ।

पुल भत्किएसँगै बजार आउजाउसँगै उत्पादित कृषि उपजको बजारीकरण, स्वास्थ्य उपचार सेवा, यातायात, खाद्यान्यलगायत सेवासुविधाबाट वञ्चित हुनु परेको बुद्धसिंह मोटरमार्गका संस्थापक अध्यक्ष यमबहादुर आलेले बताए । उनले भने, ‘यस क्षेत्रका बासिन्दाले आफूले उत्पादन गरेको दूध तरकारी बिक्रीवितरणका लागि दमौली आउजाउ गर्थे । पुल भत्किएपछि अहिले सबै ठप्प भएको छ ।’

‘यस भेगमा धेरैजसो कृषकको बसोबास छ, आफूले उब्जाएका कृषि उपज बजारमा लगेर बिक्रीवितरण गरी आवश्यक खाद्यान्न लिएर आउँथे’, उनले भने, ‘२० वर्षअघि बनेको पक्की पुलले गाउँमा ल्याएको विकास पुल भत्किएपछि सबै बगाएर लगेको छ । हाम्रो विकास २० वर्ष पछाडि धकेलिएको महसुस भएको छ ।’