मनाइयो 'मे' दिवस [तस्बिरहरु]

मर्यादित काम र मुनासिब ज्यालाको अधिकार स्थापनाका लागि हालसम्म भएका आन्दोलन र उपलब्धिलाई यस दिवसले स्मरण गराउँदै मजदुरका पक्षमा लाग्न प्रेरित गर्नेछ । नेपालको संविधानले नागरिकको रोजगारीको हक सुनिश्चित गरी प्रत्येक श्रमिकका लागि उचित पारिश्रमिक तथा योगदानमा आधारित सामाजिक सुरक्षाको हकलाई समेत प्रत्याभूत गरेको छ । दिवसका अवसरमा संयुक्त ट्रेड युनियन समन्वय कमिटीले भृकुटीमण्डपमा विशेष कार्यक्रमको आयोजना गरेको छ । कार्यक्रमअघि विभिन्न मजदुर संघसंगठनहरुले र्‍याली निकालेका थिए । विभिन्न चोकबाट आएका र्‍यालीहरु नयाँ सडकबाट एउटै र्‍यालीमा परिणत भइ भृकुटीमण्डप पुगेर सभामा परिणत भएको समितिका महासचिव प्रेमप्रसाद खनालले जानकारी दिए । सन् १८८१ मे १ मा अमेरिकामा भएको आम हडतालको स्मरणमा दिवसको थालनी भएको हो ।