मणिपुर हिंसामा प्रहरीसहित पाँचको मृत्यु

परिस्थितिलाई नियन्त्रण बाहिर जान नदिन निषेधाज्ञा जारी गरिए पनि सोही अवधिमा हिंसा र आगजनीका घटना भएका हुन् । गैरआदिवासी मेइती समुदायलाई अनुसूचित जनजाति (एसटी) मा समावेश गरेकोमा आदिवासी विरोध प्रदर्शनको क्रममा यो महिनाको प्रारम्भमा राज्यका विभिन्न भागमा हिंसात्मक दंगा भएका थिए ।

स्थितिको मूल्यांकन गर्न संघीय गृहमन्त्री अमित शाहको सोमबारदेखि सुरु भएको चारदिने भ्रमणको पूर्वसन्ध्यामा दंगा भड्केको हो । भारतीय सञ्चारमाध्यम एनडीटीभीका अनुसार जातीय झडपमा हालसम्म कम्तीमा ८० जनाको ज्यान गएको छ भने झन्डै तीन सय जना घाइते भएका छन् ।