अस्ट्रेलियामा रेडियोधर्मी पदार्थ राखिएको क्याप्सुल हरायो

विशेषगरी रेडियोएक्टिभ सिजियम-१३७ खननका लागि प्रयोग हुन्छ ।

गत जनवरी १० मा उक्त क्याप्सुल प्याक गरिएको र पर्थमा मर्मतका लागि लैजाने क्रममा हराएको अधिकारीहरूले जनाएका छन् । सडकबाट लैजाने क्रममा ११ जनवरी र १४ जनवरीको बीचमा उक्त क्याप्सुल हराएको बताइएको छ । उक्त क्याप्सुलको लम्बाइ ८ मिलिमिटर र चौडाइ ६ मिलिमिटर रहेको छ ।

अधिकारीहरूले उक्त क्याप्सुल कसैले छोएमा क्यान्सर र जलनको सम्भावना हुने भन्दै नछुन चेतावनी दिएका छन् । त्यस्तै उक्त क्याप्सुल कसैले देखेमा तत्काल अधिकारीहरूलाई खबर गर्न पनि उनीहरूले आग्रह गरेका छन् ।